სსეფ საპრეზიდენტო არჩვენბი და პრეზიდიუმის არჩევნბი ჩატარდა

საქართველოს სპორტცეკვების ეროვნულ ფედერაციაში (GNDSF) საპრეზიდენტო არჩევნები გაიმართა თბილისი — საქართველოს სპორტცეკვების ეროვნულმა ფედერაციამ (GNDSF) მორიგი საანგარიშო-საარჩევნო ყრილობა ჩაატარა, რომელზეც უმნიშვნელოვანესი გადაწყვეტილებები იქნა მიღებული. ყრილობის მთავარ დღის წესრიგს ფედერაციის ხელმძღვანელი პირებისა და პრეზიდიუმის (გამგეობის) ახალი შემადგენლობის არჩევა წარმოადგენდა. დელეგატთა ხმების აბსოლუტური უმრავლესობით, საქართველოს სპორტცეკვების ეროვნული ფედერაციის ახალ პრეზიდენტად არჩეულ იქნა ლეილა (ლელო) ჩქარეული-მამაგეიშვილი. იგი მომდევნო წლების განმავლობაში უხელმძღვანელებს ფედერაციას და განსაზღვრავს ქართული სპორტული ცეკვების განვითარების სტრატეგიულ კურსს. საპრეზიდენტო არჩევნებთან ერთად, საერთო კრებამ ღია კენჭისყრით დაამტკიცა პრეზიდიუმის ახალი შემადგენლობაც. ახლადარჩეული გამგეობა 2026-2030 წლების ვადით შეუდგება მუშაობას. მათი მთავარი მიზანი იქნება: ეროვნული ტურნირების ხარისხისა და მასშტაბების ზრდა. სამსაჯო და საგანმანათლებლო სისტემების კიდევ უფრო დახვეწა. ქართველი სპორტსმენების მხარდაჭერა და მათი პოზიციონირება საერთაშორისო სპორტულ არენაზე. ყრილობის დასასრულს, ახლადარჩეულმა პრეზიდენტმა და გამგეობის წევრებმა სიტყვით მიმართეს დამსწრე საზოგადოებას, მადლობა გადაუხადეს გამოცხადებული ნდობისთვის და სამომავლო გეგმებზე ისაუბრეს. სპორტული ცეკვების საზოგადოება ულოცავს ლეილა (ლელო) ჩქარეულს და პრეზიდიუმის ახალ წევრებს ამ მნიშვნელოვან პოზიციებზე არჩევას და ნაყოფიერ მუშაობას უსურვებს ქართული სპორტის სასიკეთოდ.